இந்தியில் மிகபெரும் வெற்றிப்படமாக அமைந்த ஆர்டிகிள் 15′ படத்தின் தமிழ் ரீமேக்கில் சேப்பாக்கம் சட்டமன்ற உறுப்பினர் உதயநிதி ஸ்டாலின் நடித்து வருகிறார்.
தமிழக சட்டமன்ற தேர்தல் சட்டபேரவை கூட்டம் என பிசியாக இருந்த உதயநிதி ஸ்டாலின் தற்போது மீண்டும் ஆர்டிகிள் 15 திரைப்படஇறுதி கட்ட படப்பிடிப்பில் கலந்து கொண்டுள்ளார். என்ற செய்தி வந்துள்ளது. மேலும் இந்த படத்தில் குக் வித் கோமாளி பிரபலம் சிவாங்கி முக்கிய கதாபாத்திரத்தில் நடித்துள்ளதாகவும் தகவல் வெளியானது.
ஆர்டிகிள் 15 இந்தப் படத்தைத் தொடர்ந்து மாரி செல்வராஜ் இயக்கத்தில் உருவாகும் படத்தினை தயாரித்து நடிக்கவுள்ளார் உதயநிதி ஸ்டாலின். இது பெரும் பொருட்செலவில் உருவாகும் படமாகும். இந்தப் படத்திற்கு ஏ.ஆர்.ரஹ்மான் இசையமைப்பாளராகப் பணிபுரியவுள்ளார்.
இதில் உதயநிதி ஸ்டாலினுடன் மிக முக்கியக் கதாபாத்திரத்தில் நடிப்பதற்கு ஃபகத் பாசிலிடம் பேச்சுவார்த்தை நடத்தியுள்ளது படக்குழு. படப்பிடிப்புத் தேதிகள் முடிவுவானவுடன் ஒப்பந்தத்தில் கையெழுத்திடுவார் எனத் தெரிகிறது.
தற்போது மலையாளப் படங்கள் மட்டுமன்றி தமிழ், தெலுங்கு ஆகிய மொழிகளிலும் ஃபகத் பாசில் கவனம் செலுத்தி வருவது குறிப்பிடத்தக்கது.
